МБОУ "Танаринская СОШ"

Адрес: МБОУ "Танаринская СОШ" 678321, Республика Саха (Якутия), Кобяйский улус, с.Сайылык, ул.Саввинова, 3.
Телефон: 84116324688, 84116324689, факс: 84116324739
E-mail: kafgum@inbox.ru

Версия для слабовидящих
 

Ойуунускай: олоҥхо, хомус

28 ноября 2018 г.

П.А.Ойуунускай төрөөбүтэ 125 сылыгар анаммыт ыйы түмүктүүр тэрээһин сэтинньи 27 күнүгэр И.Е.Левин аатынан Танара орто оскуолатыгар буолан ааста.

              Описание: C:\Users\ACER\AppData\Local\Microsoft\Windows\Temporary Internet Files\Content.Word\IMG_20181129_161830_BURST2.jpg  

 

Тэрээһин Сайылык Бүөтүрүн алгыһыттан, кэлбит дьону алаадьынан айах тутууттан, Ойуунускай тылларыгар “Былааһы совекка” гимназия оҕолорун хорунан  саҕаланна.

Ойуунускайга анаммыт айар үлэ күрэҕэр оҕолор сүрдээх көхтөөхтүк кыттыбыттар,үрдүк таһымнаах үлэлэри оҥорбуттар, түмүктэрэ:

Хоһоон айыытыгар орто бөлөххө: 1 миэстэ – Ж.К. (МГ.7кыл.), 2 миэстэ – А.А.  (ТО.7 кыл.),3 миэстэ – Е.М. (МГ.5 кыл.).

Улахан кылаастарга: 1 миэстэ – П.А.(ТО.11кыл.), 2 миэстэ – П.Э. (МГ.10кыл.), 3 миэстэ – И.К. (МГ.10кыл.), Г.В. (МГ.10кыл.), К.А. (МГ.10кыл), Г.А. (ТО.9 кыл.).

Өйтөн суруйууга саамай бастыҥ ааты  Г.А. 11 кылаас Танара орто оскуолата ылла.

Уруһуй конкурсугар, Ойуунускай портретын, айымньытыттан уруһуйдаан маннык оҕолор ситиһиилэннилэр:

Орто бөлөххө: 1 миэстэ – С.А. (МГ.5 кыл.), 2 миэстэ – Р.В. (МГ.5 кыл.), 3 миэстэ – И.Е. (МГ.7 кыл.).

Улахан бөлөххө: 1 миэстэ – Г.А. (ТО.11 кыл.), 2 миэстэ – Я.О. (ТО,9 кыл.), 3 миэстэ – Г.А. (ТО.9 кыл.). (МГ- Мукучу гимназията, ТО – Танара оскуолата диэн ааҕыҥ).

“Мин тохтор тойугум чугдаарыа, Мин ырыам дьэ ордук сатарыа” – П.Ойуунускай.

Кэбээйи дьоно Ойуунускайга анаан айбыт хоһооннорун Танара оскуолатын үрдүкү кылааһын уолаттара аахтылар. Бу түһүмэх Иван Егоров 1957с. Кэбээйи оскуолатыгар үөрэнэ сылдьан айбыт “Умнуллубат ааттаах” – диэн хоһоонтон саҕаланна.

                                  Эйиэхэ тапталы иҥэрэн

                                  Дьолломмут ыччаттар ыллыыбыт,

                                  Эдэркээн эрчимнээх сүрэхтэр

                                  Эн ааккын киэн тутта ааттыыбыт. (Иван Егоров,1957с.).

Ойуунускай бэргэн этиилэриттэн таҥыллыбыт композицияны гимназия 5,6,7 кылааһын уолаттара аахтылар. Онтон бу үөрэх кыһатын 9,10 кылааһын үөрэнээччилэрэ “Геройдар тыыннаахтар” диэн уус-уран дьүһүйүүнү көрдөрдүлэр.

Описание: C:\Users\ACER\AppData\Local\Microsoft\Windows\Temporary Internet Files\Content.Word\IMG_20181129_164920.jpg

 

Ойуунускай уонна олоҥхо. Ойуунускай “Дьулуруйар Ньургун Боотур” олоҥхону суруйарыгар 33 олоҥхоттон таҥан таһаарбыта. Бу олоҥхо 2005с. ЮНЕСКО-ҕа  киллэриллибитэ, Аан дойду бастыҥ баайынан биллэриллибитэ.

Бу түһүмэххэ 1 кылаас үөрэнээччитэ Г.А.  Ольга Корякина – Умсуура кэпсээниттэн “Туйаарыма Куону уоруу” түһүмэҕин толордо.

Гимназия  9 кылааһын үөрэнээччитэ Н.В.  С.Васильев – Борогонскай “Айыы Дьураҕастай”олоҥхоттон быһа тардан ыллаата. Оҕолор сырыы аайы толорор таһымнара үрдээн иһэрин бэлиэтиибит.